நீங்கள் தேடியது "ஸ்மார்ட் டிவி"

டிசிஎல் நிறுவனம் இந்திய சந்தையில் தனது புதிய ஸ்மார்ட் டிவியை S சீரிசில் அறிமுகம் செய்து இருக்கிறது. புதிய டிசிஎல் S5400, S5400A, S5403A உள்ளிட்ட மாடல்கள் பட்ஜெட் பிரிவில் அறிமுகமாகி இருக்கின்றன. இத்துடன் பெசல்-லெஸ் டிசைன், 24 வாட் ஸ்பீக்கர்கள், டால்பி ஆடியோ, அதிகபட்சம் 16 ஜிபி வரையிலான மெமரி, ஆண்ட்ராய்டு டிவி இண்டர்ஃபேஸ் கொண்டுள்ளன.

புதிய டிசிஎல் S5400 மாடலில் 32 இன்ச் FHD ஸ்கிரீன், HDR10 சப்போர்ட் கொண்டிருக்கிறது. இந்த மாடலில் கூகுள் டிவி இண்டர்ஃபேஸ் உள்ளது. இதை கொண்டு பயனர்கள் புதிய திரைப்படங்கள், நிகழ்ச்சிகள் உள்ளிட்டவைகளை தங்களின் சந்தா முறை மற்றும் விருப்பத்திற்கு ஏற்ப கண்டுகளிக்க முடியும். இத்துடன் கூகுள் வாட்ச்லிஸ்ட் கொண்டு தங்களுக்கு விருப்பமான நிகழ்ச்சிகளை லைப்ரரியில் சேர்த்துக் கொள்ளலாம்.

இவை தவிர கூகுள் கிட்ஸ் மோட், க்ரோம்காஸ்ட் பில்ட்-இன் உள்ளிட்ட வசதிகளும் உள்ளது. டிசிஎல் S5400A மற்றும் S5403A மாடல்கள் 32 இன்ச் HD ரெடி ஸ்கிரீன் மற்றும் HDR10 சப்போர்ட் கொண்டிருக்கின்றன. இந்த மாடல்களில் ஆண்ட்ராய்டு டிவி 11 ஒஎஸ், 7 ஆயிரத்திற்கும் அதிக ஆப்ஸ்களை இயக்கும் வசதி, 7 லட்சத்திற்கும் அதிக நிகழ்ச்சிகளை பார்த்து ரசிக்கும் வசதி உள்ளன.

இரு மாடல்களிலும் மைக்ரோ டிம்மிங் அம்சம் உள்ளது. இது டிவியின் பிரைட்னஸ் மற்றும் டார்க்னசை தானாக இயக்கிக் கொள்ளும். புதிய டிசிஎல் டிவிக்களில் ப்ளூடூத் 5.0, வைபை, HDMI x2, யுஎஸ்பி 2.-0 கனெக்டிவிட்டி வழங்கப்பட்டு இருக்கின்றன.

டிசிஎல் S5400 மற்றும் S5400A/S5403A அம்சங்கள்:

S5400: 32 இன்ச் FHD 1920x1080 பிக்சல், HDR10, 60Hz டிஸ்ப்ளே

S5400A/S5403A: 32 இன்ச் HD 1366x768 பிக்சல், HDR10, 60Hz டிஸ்ப்ளே

CPU: CA55X4 @1.1GHz (DVFS 1.45GHz), GPU: G31MP2 @550MHz

S5400 - 1.5 ஜிபி ரேம், 16 ஜிபி ROM

S5400A/S5403A - 1 ஜிபி ரேம், 8 ஜிபி ROM

24 வாட் ஸ்பீக்கர் மற்றும் டால்பி ஆடியோ

ஸ்டாண்டர்டு, டைனமிக், மியூசிக், மூவி, வாய்ஸ், கேம், ஸ்போர்ட்ஸ் சவுண்ட் மோட்கள்

ப்ளூடூத் 5.0, 2x HDMI, RJ45, 1x USB 2.0, வைபை 2.4GHz

விலை மற்றும் விற்பனை விவரங்கள்:

டிசிஎல் 32 இன்ச் S5400 ஸ்மார்ட் டிவி விலை ரூ. 15 ஆயிரத்து 990 என்றும் 32 இன்ச் S5400A விலை ரூ. 13 ஆயிரத்து 490 என நிர்ணயம் செய்யப்பட்டு உள்ளது. இரு டிவி மாடல்களும் அமேசான், ப்ளிப்கார்ட் மற்றும் ஆஃப்லைன் ரிடெயில், பிராண்டு ஸ்டோர்களில் விற்பனைக்கு கிடைக்கிறது.

32 இன்ச் S5403A HD டிவி விலை ரூ. 13 ஆயிரத்து 490 என நிர்ணயம் செய்யப்பட்டுள்ளது. இதன் விற்பனை ஆஃப்லைன் ரிடெயில் மற்றும் பிராண்டு ஸ்டோர்களில் நாடு முழுக்க நடைபெறுகிறது. S5400 மற்றும் S5403A மாடல்களுக்கு 10 சதவீதம் வரை உடனடி கேஷ்பேக் வழங்கப்படுகிறது.

ஒன்பிளஸ் 11 சீரிஸ் ஸ்மார்ட்போன்களுடன் ஒன்பிளஸ் நிறுவனம் தனது புதிய ஒன்பிளஸ் டிவி 65 Q2 ப்ரோ மாடலை இந்திய சந்தையில் அறிமுகம் செய்தது. புதிய ஒன்பிளஸ் Q சீரிஸ் டிவி மூலம் அந்நிறுவனம் தனது Q சீரிஸ் மாடலை மூன்று ஆண்டுகள் கழித்து அப்டேட் செய்து இருக்கிறது. இந்த மாடலில் 65 இன்ச் QLED 4K பேனல், 120Hz ரிப்ரெஷ் ரேட், குவாண்டம் டாட் லேயர் தொழில்நுட்பம் உள்ளது.

மேலும் இதில் உள்ள காமா என்ஜின் டிஸ்ப்ளே தரத்தை ஆப்டிமைஸ் செய்கிறது. புதிய Q2 ப்ரோ மாடலில் 70 வாட் ஸ்பீக்கர்கள் மற்றும் 2.1 சேனல் சப்போர்ட் உள்ளது. டைனாடியோ டியூன் செய்த ஹாரிசான் சவுண்ட்பாரினுள் மொத்தம் ஏழு ஸ்பீக்கர்கள் வழங்கப்பட்டுள்ளன. இத்துடன் ஒட்டுமொத்த ஸ்பீக்கர் அவுட்புட்-இல் 30 வாட் சப்-வூஃபர் இடம்பெற்று இருக்கிறது.

இந்த டிவி ஆண்ட்ராய்டு டிவி 11 சார்ந்த ஆக்சிஜன்பிளே 2.0 ஒஎஸ், கூகுள் வாய்ஸ் அசிஸ்டண்ட் வசதி கொண்டிருக்கிறது. மேலும் ஒன்பிளஸ் கனெக்ட் 2.0 மற்றும் NFC கேஸ்ட் அம்சங்கள் உள்ளன. இதை கொண்டு ஒன்பிளஸ் ஸ்மார்ட்வாட்ச், ஒன்பிளஸ் பேட் உள்ளிட்டவைகளை எளிதில் ஒன்பிளஸ் டிவியுடன் இணைத்துக் கொள்ளலாம்.

ஒன்பிளஸ் டிவி 65 Q2 ப்ரோ அம்சங்கள்:

65 இன்ச் 4K 3840x2160 பிக்சல் QLED ஸ்கிரீன், 120Hz ரிப்ரெஷ் ரேட், 1200 நிட்ஸ் பீக் பிரைட்னஸ்

டால்பி விஷன், HDR10+, HLG

பிக்சர் என்ஹான்சர்: காமா என்ஜின் அல்ட்ரா

70 வாட் 2.1 சேனல் சவுண்ட் அவுட்புட் (40 வாட் சவுண்ட்+30வாட் சப்வூஃபர்)

டால்பி அட்மோஸ்

3 ஜிபி ரேம்

32 ஜிபி மெமரி

NFC கேஸ்ட், மல்டிகேஸ்ட் 2.0, க்ரோம்காஸ்ட் பில்ட்-இன், DLNA, மிராகேஸ்ட்

ஆக்சிஜன் பிளே 2.0 சார்ந்த கூகுள் டிவி

கூகுள் அசிஸ்டண்ட் பில்ட்-இன்

ஆக்சிஜன்பிளே, பிரைம்வீடியோ, நெட்ஃப்ளிக்ஸ், யூடியூப், ஹாட்ஸ்டார், கூகுள் பிளே ஸ்டோர்

ப்ளூடூத் 5.0, 1x RF போர்ட், 1x RJ45 ஈத்தர்நெட் போர்ட்

3x HDMI 2.1 (HDMI 1 eARC), வைபை, 2x USB2.0

விலை மற்றும் விற்பனை விவரங்கள்:

ஒன்பிளஸ் டிவி 65 Q2 ப்ரோ மாடலின் விலை ரூ. 99 ஆயிரத்து 999 ஆகும். இதன் விற்பனை ஒன்பிளஸ் வலைதளம், அமேசான், ப்ளிப்கார்ட் போன்ற வலைதளங்கள் மற்றும் ஒன்பிளஸ் எக்ஸ்பீரியன்ஸ் ஸ்டோர் மற்றும் முன்னணி ஆஃப்லைன் ஸ்டோர்களில் நடைபெற இருக்கிறது. முன்பதிவு மார்ச் 6 ஆம் தேதியும், விற்பனை மார்ச் 10 ஆம் தேதியும் துவங்க இருக்கிறது.

Blaupunkt நிறுவனத்தின் புதிய 24 இன்ச் ஸ்மார்ட் டிவி இந்தியாவில் அறிமுகமாகி இருக்கிறது. இந்த ஸ்மார்ட் டிவி மாணிட்டர், டிவி மற்றும் ஸ்மார்ட் டிவைஸ் போன்று பயன்படுத்திக் கொள்ளலாம். கடந்த ஆண்டு QLED டிவிக்களை அறிமுகம் செய்த Blaupunkt இந்த முறை Blaupunkt புதிதாக HD ஸ்மார்ட் டிவியை அறிமுகம் செய்துள்ளது.

Blaupunkt பிரீமியம் ஸ்மார்ட் டிவி சீரிஸ் தலைசிறந்த வியூவிங் அனுபவம், பிரத்யேக பரிந்துரை, அதிக தரமுள்ள சவுண்ட் மற்றும் ஆப்டிமைஸ்டு கண்டென்ட் வழங்குகிறது. இதில் HD டிஸ்ப்ளே, 20 வாட் சவுண்ட் அவுட்புட், டிவியின் கீழ்புறத்தில் ஸ்பீக்கர்கள் மற்றும் சரவுண்ட் சவுண்ட் தொழில்நுட்பம் வழங்கப்பட்டு இருக்கிறது.

ஏர்ஸ்லிம் டிசைன் கொண்டிருக்கும் Blaupunkt ஸ்மார்ட் டிவி மெல்லிய தோற்றம், A35 x 4 சிப்செட் மற்றும் 2.4 GHz வைபை போன்ற அம்சங்களை கொண்டிருக்கிறது. இதன் 24 இன்ச் மாடலில் 300 நிட்ஸ் பிரைட்னஸ், 512MB ரேம், 4 ஜிபி ரோம், டிஜிட்டல் நாய்ஸ் ஃபில்ட்டர், A+ பேனல் உள்ளது.

இந்த ஸ்மார்ட் டிவி- கணினி, மொபைல் மற்றும் லேப்டாப்களுக்கான சப்போர்ட் கொண்டிருக்கிறது. இத்துடன் வரும் ரிமோட்டில் யூடியூப், பிரைம் வீடியோ, ஜீ5, வூட் மற்றும் சோனிலிவ் போன்ற சேவைகளுக்கான ஹாட்கீ கொண்டிருக்கிறது.

விலை மற்றும் விற்பனை விவரங்கள்:

Blaupunkt சிக்மா 24 இன்ச் 3-இன்-1 ஸ்மார்ட் டிவி-யின் விலை தற்போது ரூ. 6 ஆயிரத்து 999 என நிர்ணயம் செய்யப்பட்டு உள்ளது. இந்த விலை பிப்ரவரி 7 முதல் பிப்ரவரி 12 ஆம் தேதி வரை மட்டுமே அமலில் இருக்கும். இதன் உண்மை விலை ரூ. 10 ஆயிரத்து 999 ஆகும்.

ஒன்பிளஸ் நிறுவனம் தனது ஒன்பிளஸ் 11 மற்றும் ஒன்பிளஸ் பட்ஸ் ப்ரோ 2 மாடல்களின் இந்திய மற்றும் சர்வதேச வெளியீடு பிப்ரவரி 7 ஆம் தேதி நடைபெறும் என ஏற்கனவே அறிவித்து விட்டது. இந்த நிலையில், ஒன்பிளஸ் டிவி 65 Q2 ப்ரோ மாடலும் இதே நாளில் அறிமுகம் செய்யப்படும் என ஒன்பிளஸ் நிறுவனம் அறிவித்து இருக்கிறது. "கிளவுட் 11" நிகழ்வில் புது ஸ்மார்ட்போன், இயர்பட் வரிசையில் தற்போது ஃபிளாக்ஷிப் டிவியும் அறிமுகம் செய்யப்பட இருக்கிறது.

புதிய ஒன்பிளஸ் டிவி Q சீரிஸ் அதிநவீன தொழில்நுட்பம், பிரீமியம் விஷூவல் மற்றும் சவுண்ட் அம்சங்களை பயனர்களிடம் கொண்டு சேர்க்கும் வகையில் உருவாக்கப்பட்டு வருகின்றன. ஒன்பிளஸ் டிவி 65 Q2 ப்ரோ மாடல் அதன் முந்தைய வெர்ஷனை விட மேம்பட்ட அம்சங்கள், அதிநவீன தொழில்நுட்பங்களை கொண்டிருக்கும் என எதிர்பார்க்கலாம்.

முன்னதாக ஒன்பிளஸ் Q1 சீரிஸ் மாடல் 2019 வாக்கில் அறிமுகம் செய்யப்பட்டது. இத்துடன் Q1 ப்ரோ வெர்ஷன் ஸ்லைடிங் சவுண்ட்பார் கொண்டிருந்தது. தற்போது புதிய Q சீரிஸ் டிவி வித்தியாசமான டிசைன் கொண்டிருக்கும் என ஒன்பிளஸ் வெளியிட்டு இருக்கும் டீசரில் தெரியவந்துள்ளது. ஏற்கனவே Q1 மாடலுடன் ப்ரோ மாடல் ஒன்றும் அறிமுகம் செய்யப்பட்ட நிலையில், தற்போது Q2 ப்ரோ மட்டுமே அறிமுகமாகும் என தெரிகிறது.

ஒன்பிளஸ், அமேசான் மற்றும் ப்ளிப்கார்ட் வலைதளங்களில் புது ஸ்மார்ட் டிவி-க்காக "Notify Me" பட்டன் வழங்கப்பட்டு இருக்கிறது. மேலும் இந்த ஸ்மார்ட் டிவி இந்தியா முழுக்க ஆஃப்லைன் தளங்களில் விற்பனை செய்யப்படும் என ஒன்பிளஸ் தெரிவித்துள்ளது. வரும் நாட்களில் புதிய ஒன்பிளஸ் டிவி பற்றிய தகவல்கள் வெளியாகும் என எதிர்பார்க்கலாம்.

சாம்சங் நிறுவனம் இந்திய பயனர்களுக்கு "Big TV Days" பெயரில் சிறப்பு விற்பனையை நடத்தி வருகிறது. சிறப்பு விற்பனையின் அங்கமாக கேஷ்பேக் சலுகை, நீட்டிக்கப்பட்ட வாரண்டி, நிச்சயிக்கப்பட்ட பரிசுகள் வழங்கப்படுகிறது. மேலும் தேர்வு செய்யப்பட்ட ஸ்மார்ட் டிவி மாடல்களை வாங்குவோருக்கு சாம்சங் கேலக்ஸி Z ஃபோல்டு 4 மற்றும் கேலக்ஸி A23 போன்ற ஸ்மார்ட்போன்கள் இலவசமாக வழங்கப்படுகிறது.

டிசம்பர் 24 ஆம் தேதி துவங்கிய சிறப்பு விற்பனை ஜனவரி 31, 2023 வரை வழங்கப்படுகிறது. இந்த சலுகைகள் நாடு முழுக்க செயல்பட்டு வரும் அங்கீகரிக்கப்பட்ட ரிடெயில் ஸ்டோர் மற்றும் சாம்சங் இந்தியா அதிகாரப்பூர்வ ஆன்லைன் ஸ்டோரில் சாதனங்களை வாங்குவோருக்கு பொருந்தும்.

சிறப்பு சலுகை விவரங்கள்:

சாம்சங் நிறுவனத்தின் உயர் ரக மற்றும் பிரீமியம் டிவி மாடல்களை வாங்குவோருக்கு கேலக்ஸி Z ஃபோல்டு 4 (12 ஜிபி, 256 ஜிபி) மாடல் வழங்கப்படுகிறது. அந்த வகையில் 98 இன்ச் நியோ QLED 4K டிவி அல்லது 85 இன்ச், 75 இன்ச் நியோ QLED 8K டிவி வாங்குவோருக்கு ரூ. 1 லட்சத்து 54 ஆயிரத்து 999 மதிப்புள்ள கேலக்ஸி Z ஃபோல்டு 4 ஸ்மார்ட்போன் கிடைக்கும்.

இத்துடன் டிவி-க்களுக்கு இரண்டு ஆண்டுகள் வாரண்டி வழங்கப்படுகிறது. வழக்கமாக ஸ்மார்ட் டிவிக்களுக்கு ஒரு வருட வாரண்டியே வழங்கப்பட்டு வருகிறது. தேர்வு செய்யப்பட்ட நியோ QLED 8K டிவி மாடல்களுக்கு அதிகபட்சம் 20 சதவீதம் வரை கேஷ்பேக் வழங்கப்படுகிறது. எனினும், எந்தெந்த மாடல்களுக்கு இந்த சலுகை பொருந்தும் என சாம்சங் அறிவிக்கவில்லை.

ஸ்மார்ட்போன் வரிசையில், 85 இன்ச் மற்றும் 75 இன்ச் நியோ QLED டிவி, 75 இன்ச் தி ஃபிரேம் டிவி, 85 இன்ச் மற்றும் 75 இன்ச் அல்ட்ரா HD 4K QLED டிவி வாங்கும் வாடிக்கையாளர்களுக்கு ரூ. 40 ஆயிரத்து 999 மதிப்புள்ள சாம்சங் HW S801B சவுண்ட்பார் வழங்கப்படுகிறது.

இத்துடன் 65 இன்ச் நியோ QLED 8K டிவி, 65 இன்ச் மற்றும் 55 இன்ச் நியோ QLED டிவி, 65 இன்ச் UHD 4K QLED டிவி, 85 இன்ச் மற்றும் 75 இன்ச் க்ரிஸ்டல் 4K UHD டிவி வாங்குவோருக்கு ரூ. 18 ஆயிரத்து 499 மதிப்புள்ள கேலக்ஸி A23 (6 ஜிபி, 128 ஜிபி) மாடல் இலவசமாக வழங்கப்படுகிறது.

இவை தவிர எந்த வித டிவி-க்களை வாங்கும் வாடிக்கையாளர்கள் சாம்சங் ஆக்சிஸ் பேங்க் கிரெடிட் கார்டு மூலம் பணம் செலுத்தினால் 10 சதவீதம் வரை கேஷ்பேக் வழங்கப்படுகிறது.

ஏர்டெல் இந்தியா நிறுவனம் பயனர்கள் தங்களின் சாதாரண டிவி-யை ஸ்மார்ட் டிவி-யாக மாற்றிக் கொள்ளும் வசதியை ரூ. 1500-க்கு வழங்குகிறது. வீட்டில் பொழுதுபோக்கிற்கான அத்தியாவசிய சாதனமாக ஸ்மார்ட் டிவி-க்கள் மாறி வருகின்றன. சமீப காலங்களில் ஒடிடி சேவை அதிக பிரபலம் அடைந்து விட்ட நிலையில், பல்வேறு வீடுகளில் ஒன்றாக அமர்ந்து டிவி பார்க்கும் வழக்கம் இன்றும் தொடர்கிறது.

அந்த வகையில், ஏர்டெல் எக்ஸ்-ஸ்டிரீம் பாக்ஸ் பயனர்களின் சாதாரண டிவி-யை ஸ்மார்ட் டிவி-யாக மாற்றுகிறது. எக்ஸ்-ஸ்டிரீம் பாக்ஸ் கொண்டு ஒடிடி தரவுகளை டிவி-யில் ஸ்டிரீம் செய்து பார்க்க முடியும். ஏர்டெல் டிஜிட்டல் டிவியின் சாதனமான ஏர்டெல் எக்ஸ்-ஸ்டிரீம் பாக்ஸ் விலை ரூ. 1500 என மாற்றப்பட்டு இருக்கிறது. இதன் உண்மை விலை ரூ. 2 ஆயிரத்து 650 ஆகும். எனினும், தற்போது இதன் விலை ரூ. 1500 ஆக குறைக்கப்பட்டுள்ளது.

இதனுடன் ஏர்டெல் மற்ற சேவைகளான ஏர்டெல் பிளாக் ஒருங்கிணைத்து பெற முடியும். ஏர்டெல் எக்ஸ்-ஸ்டிரீம் பாக்ஸ் சோனி லிவ், அமேசான் பிரைம், இரோஸ் நௌ, டிஸ்னி பிளஸ் ஹாட்ஸ்டார் மற்றும் பல்வேறு ஒடிடி தளங்களை கொண்ட செட் டாப் பாக்ஸ் ஆகும். இதில் 5 ஆயிரத்திற்கும் அதிக செயலிகள் உள்ளன.

மேலும் பில்ட்-இன் க்ரோம்காஸ்ட், 500-க்கும் அதிக டிவி சேனல்கள், கூகுள் அசிஸ்டண்ட் மூலம் சர்ச் வசதி, ஆண்ட்ராய்டு டிவி 9 உள்ளது. இந்த செட் டாப் பாக்ஸ் தரவுகளை 4K ரெசல்யூஷனிலும் வழங்குகிறது. இதனுடன் வழங்கப்படும் ரிமோட் பல்வேறு ஒடிடி தளங்களுக்கான ஹாட்கீ கொண்டுள்ளது. ஏர்டெல் அதிகாரப்பூர்வ வலைதளம் அல்லது அருகாமையில் உள்ள ரிடெயில் ஸ்டோர் சென்று ஏர்டெல் எக்ஸ்-ஸ்டிரீம் பாக்ஸ்-ஐ வாங்கிக் கொள்ளலாம்.

மேட் இன் இந்தியா ஸ்மார்ட்வாட்ச், ட்ரூ வயர்லெஸ் இயர்பட்ஸ் மற்றும் நெக்பேண்ட் ஹெட்செட்களை அறிமுகம் செய்து வரும் சென்ஸ் நிறுவனம் புதிதாக ஸ்மார்ட் டிவி சந்தையில் களமிறங்கி இருக்கிறது. முதற்கட்டமாக ஏழு புதிய "மேட் இன் இந்தியா" ஸ்மார்ட் டிவி மாடல்களை செனஅஸ் நிறுவனம் பல்வேறு பிரிவுகளில் அறிமுகம் செய்துள்ளது. இவை நொய்டா மற்றும் கிரேட்டர் நொய்டா பகுதிகளில் உள்ள உற்பத்தி ஆலைகளில் உருவாக்கப்பட்டு வருகின்றன.

புதிய ஸ்மார்ட் டிவிக்களில் சென்ஸ் நிறுவனத்தின் லுமிசென்ஸ் மற்றும் ஃபுளோரோசென்ஸ் டிஸ்ப்ளே பேனல்கள் வழங்கப்பட்டுள்ளன. இவை 43 இன்ச் துவங்கி அதிகபட்சம் 65 இன்ச் வரையிலான பேனல் அளவுகளில் கிடைக்கின்றன. இவற்றில் கூகுள் டிவி ஒஎஸ் வழங்கப்பட்டு இருப்பதால், பயனர்கள் தங்களின் குழந்தைகளுக்காக "கிட்ஸ்" ப்ரோஃபைலை உருவாக்கிக் கொள்ள முடியும்.

மற்ற சென்ஸ் சாதனங்களை போன்றே புதிய டிவிக்களும் இந்தியா மற்றும் அமெரிக்காவை சார்ந்த சென்ஸ் நிறுவன ஊழியர்களாலேயே டிசைன் செய்யப்பட்டு இருக்கிறது. புது ஸ்மார்ட் டிவி மாடல்கள் பிரபல ஒவியர்களான டாவின்சி மற்றும் பிகாசோவை தழுவி பெயரிடப்பட்டுள்ளன.

சென்ஸ் டாவின்சி 55 இன்ச், 65 இன்ச் 4K QLED கூகுள் டிவி அம்சங்கள்:

55 / 65 இன்ச் 3840x2160 பிக்சல் QLED டிஸ்ப்ளே

HDR10, டால்பி விஷன், பெசல் லெஸ் டிசைன்

குவாட்கோர் பிராசஸர்

மாலி G52 GPU

2 ஜிபி ரேம்

16 ஜிபி மெமரி

கூகுள் டிவி

டூயல் பேண்ட் வைபை, ப்ளூடூத் 5.2

3x HDMI, 2x USB, 1x ஈத்தர்நெட், 1x ஆப்டிக்கல் போர்ட்

நெட்ஃப்ளிக்ஸ், பிரைம் வீடியோ, யூடியூப் ஹாட்கி கொண்ட ரிமோட்

20 வாட் ஸ்பீக்கர் மற்றும் டால்பி அட்மோஸ்

சென்ஸ் பிகாசோ 50 இன்ச், 55 இன்ச் 4K UHD ஆண்ட்ராய்டு டிவி அம்சங்கள்:

50 / 55 இன்ச் 3840x2160 பிக்சல் LED டிஸ்ப்ளே

HDR10, புளுரோசென்ஸ் பேனல்

குவாட்கோர் A53 பிராசஸர்

2 ஜிபி ரேம்

16 ஜிபி மெமரி

ஆண்ட்ராய்டு டிவி

டூயல் பேண்ட் வைபை, ப்ளூடூத் 5.2

3x HDMI, 2x USB, 1x ஈத்தர்நெட், 1x ஆப்டிக்கல் போர்ட்

நெட்ஃப்ளிக்ஸ், பிரைம் வீடியோ, யூடியூப் ஹாட்கி கொண்ட ரிமோட்

20 வாட் ஸ்பீக்கர் மற்றும் டால்பி ஆடியோ, டிடிஎஸ்

சென்ஸ் 32 இன்ச் HD மற்றும் 43 இன்ச் FHD 4K ஆண்ட்ராய்டு டிவி அம்சங்கள்:

32 இன்ச் 1366x768 பிக்சல் LED டிஸ்ப்ளே

43 இன்ச் FHD 1920x1080 பிக்சல் / UHD 3840x2160 பிக்சல் பெசல் லெஸ் டிசைன்

குவாட்கோர் A53 பிராசஸர்

ஆண்ட்ராய்டு டிவி

டூயல் பேண்ட் வைபை, ப்ளூடூத் 5.2

3x HDMI, 2x USB, 1x ஈத்தர்நெட், 1x ஆப்டிக்கல் போர்ட்

நெட்ஃப்ளிக்ஸ், பிரைம் வீடியோ, யூடியூப் ஹாட்கி கொண்ட ரிமோட்

20 வாட் ஸ்பீக்கர் மற்றும் டால்பி ஆடியோ, டிடிஎஸ்

விலை மற்றும் விற்பனை விவரங்கள்:

சென்ஸ் பிகாசோ 50 இன்ச் மற்றும் 55 இன்ச் 4K ஆண்ட்ராய்டு டிவி மாடல்களின் விலை அறிமுக சலுகையாக முறையே ரூ. 24 ஆயிரத்து 999 மற்றும் ரூ. 29 ஆயிரத்து 999 என நிர்ணயம் செய்யப்பட்டு உள்ளது. சென்ஸ் டாவின்சி சீரிஸ் 55 இன்ச் மாடல் விலை ரூ. 33 ஆயிரத்து 999 என்றும் 65 இன்ச் மாடல் விலை ரூ. 42 ஆயிரத்து 999 என்றும் நிர்ணயம் செய்யப்பட்டுள்ளது.

சென்ஸ் 32 இன்ச் HD, 43 இன்ச் FHD மற்றும் 43 இன்ச் 4K டிவி மாடல்களின் விலை முறையே ரூ. 9 ஆயிரத்து 999, ரூ. 16 ஆயிரத்து 999 மற்றும் ரூ. 20 ஆயிரத்து 999 என நிர்ணயம் செய்யப்பட்டு உள்ளது. இந்த விலை அறிமுக சலுகையாக அறிவிக்கப்பட்டுள்ளன. இவற்றின் விற்பனை ப்ளிப்கார்ட் தளத்தில் ஏற்கனவே துவங்கி நடைபெற்று வருகிறது.

சாம்சங் நிறுவனம் "The Big Game Fest" பெயரில் சிறப்பு திட்டத்தை அறிவித்து இருக்கிறது. தற்போது நடைபெற்று வரும் 2022 உலக கோப்பை கால்பந்து தொடரை ஒட்டி இந்த திட்டம் அறிவிக்கப்பட்டு இருக்கிறது. விளம்பர நோக்கில் அறிவிக்கப்பட்டு இருக்கும் திட்டத்தின் கீழ் சாம்சங் நிறுவனத்தின் பிரீமியம், பெரிய ஸ்கிரீன் டிவிக்களை வாங்குவோருக்கு சிறப்பு பரிசுகள் வழங்கப்படுகின்றன.

தி பிக் கேம் ஃபெஸ்ட் வாடிக்கையாளர்களுக்கு நிச்சயிக்கப்பட்ட பரிசுகளை வழங்குகிறது. இதில் வாடிக்கையாளர்கள் சாம்சங் நிறுவனத்தின் பிரீமியம், பெரிய ஸ்கிரீன் டிவி மாடல்களான நியோ QLED 8K, நியோ QLED, QLED, தி ஃபிரேம் டிவி, தி ஃபிரீஸ்டைல் ப்ரோஜெக்டர் உள்ளிட்டவைகளை வாங்கும் போது பரிசுகளை பெறலாம். இதுதவிர சாம்சங் நியோ QLED, QLED டிவி வாங்கும் போது பத்து ஆண்டுகளுக்கு நோ-ஸ்கிரீன் பர்ன்-இன் வாரண்டி வழங்கப்படுகிறது.

தேர்வு செய்யப்பட்ட டிவி மாடல்களை வாங்கும் போது வாடிக்கையாளர்கள் ரூ. 1 லட்சத்து 09 ஆயிரத்து 999 மதிப்புள்ள சாம்சங் கேலக்ஸி S22 அல்ட்ரா அல்லது ரூ. 49 ஆயிரத்து 900 மதிப்புள்ள சாம்சங் அல்ட்ரா ஸ்லிம் சவுண்ட்பார் HW-S801B பெற முடியும். சாம்சங் ஃபிரீஸ்டைல் ப்ரோஜெக்டர் வாங்குவோருக்கு சாம்சங் சவுண்ட் டவர் T40 இலவசமாக வழங்கப்படுகிறது. இத்துடன் 75 இன்ச் UHD டிவி வாங்குவோருக்கு ரூ. 18 ஆயிரத்து 400 மதிப்புள்ள கேலக்ஸி A23 ஸ்மார்ட்போன் வழங்கப்படுகிறது.

வங்கி சலுகைகள்:

சாம்சங் நிறுவனம் முன்னணி வங்கிகளான ஐசிஐசிஐ, கோடக் மற்றும் ஆர்பிஎல் உடன் இணைந்து மாதம் ரூ. 1990 எனும் மிக குறைந்த மாத தவணை முறை, அதிகபட்சம் 20 சதவீதம் வரை கேஷ்பேக் உள்ளிட்ட சலுகைகள் வழங்கப்படுகிறது. இவை விளம்பர நோக்கில் அறிவிக்கப்பட்டு இருக்கும் சலுகைகள் ஆகும். இவை ஆஃப்லைன் வலைதளங்கள் மற்றும் சாம்சங் வலைதளத்தில் வழங்கப்படுகிறது. 

ஒன்பிளஸ் நிறுவனம் இந்திய சந்தையில் ஒன்பிளஸ் டிவி 55 Y1S ப்ரோ 4K ஸ்மார்ட் டிவி மாடலை அறிமுகம் செய்து இருக்கிறது. இது அந்நிறுவனத்தின் புதிய Y1S ப்ரோ சீரிஸ் டிவி ஆகும். முன்னதாக Y1S ப்ரோ சீரிசில் 50 இன்ச் மாடல் ஜூலை மாத வாக்கில் அறிமுகம் செய்யப்பட்டது குறிப்பிடத்தக்கது.

புதிய ஒன்பிளஸ் டிவி பெசல்-லெஸ் டிசைன், HDR 10+, HDR 10, HLG, ALLM, காமா என்ஜின் போன்ற வசதிகளை வழங்குகிறது. இத்துடன் அதிக தெளிவான காட்சிகளை டைனமிக் காண்டிராஸ்ட் மற்றும் வைப்ரண்ட் நிறங்களை வழங்குகிறது. MEMC தொழில்நுட்பத்துடன் வேகமாக நகரும் சீன்கள் மேம்படுத்தப்படுவதாக ஒன்பிளஸ் தெரிவித்து இருக்கிறது. இந்த டிவி ஆண்ட்ராய்டு 10.0 பிளாட்ஃபார்ம் கொண்டிருக்கிறது.

இத்துடன் கூகுள் அசிஸ்டண்ட், ஸ்மார்ட் மேனேஜர், ஒன்பிளஸ் பட்ஸ், ஒன்பிளஸ் வாட்ச் உள்ளிட்டவைகளை ஒன்பிளஸ் கனெக்ட் 2.0 மூலம் கனெக்ட் செய்து கொள்ளலாம். ஆக்சிஜன்பிளே 2.0 230-க்கும் அதிக லைவ் சேனல்களை வழங்குகிறது.

ஒன்பிளஸ் Y1S ப்ரோ 55 இன்ச் அம்சங்கள்:

55-இன்ச் 3840x2160 பிக்சல் LED டிஸ்ப்ளே, HDR10+, HDR10, HLG, ALLM, MEMC

காமா என்ஜின்

64-பிட் மீடியாடெக் MT 9216 பிராசஸர்

2 ஜிபி ரேம்

8 ஜிபி மெமரி

ஆண்ட்ராய்டு டிவி 10 மற்றும் ஆக்ஜின்பிளே 2.0

கூகுள் அசிஸ்டண்ட் பில்ட்-இன்

வைபை, ப்ளூடூத், 2x USB, ஆப்டிக்கல், ஈத்தர்நெட்

24வாட் ஸ்பீக்கர், டால்பி ஆடியோ

விலை மற்றும் விற்பனை விவரங்கள்:

ஒன்பிளஸ் டிவி Y1S ப்ரோ 55 இன்ச் மாடலின் விலை இந்தியாவில் ரூ. 39 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை ஒன்பிளஸ், அமேசான், ப்ளிப்கார்ட் வலைதளங்கள், ஆஃப்லைன் விற்பனை மையங்களில் நடைபெற இருக்கிறது. விற்பனை டிசம்பர் 12 ஆம் தேதி மதியம் 12 மணிக்கு துவங்குகிறது.

புதிய ஒன்பிளஸ் டிவியை வாங்குவோர் தேர்வு செய்யப்பட்ட வங்கி கார்டுகளை பயன்படுத்து்ம போது ரூ. 3 ஆயிரம் வரையிலான உடனடி தள்ளுபடி பெறலாம். இந்த சலுகை டிசம்பர் 25 ஆம் தேதி வரை வழங்கப்படுகிறது. இத்துடன் முன்னணி வங்கி பரிவர்த்தனைகளில் அதிகபட்சம் ஒன்பது மாதங்களுக்கு வட்டியில்லா மாத தவணை முறை வசதியும் வழங்கப்படுகிறது.

2021 ஆண்டின் மூன்றாவது காலாண்டுடன் ஒப்பிடும் போது இந்த ஆண்டின் மூன்றாவது காலாண்டில் இந்திய ஸ்மார்ட் டிவி சந்தை கணிசமான வளர்ச்சியை பதிவு செய்து இருக்கிறது. இந்த காலக்கட்டத்தில் சியோமி நிறுவனம் மற்ற நிறுவனங்களுடன் ஒப்பிடும் போது வளர்ச்சியை பெற்றுள்ளது.

கவுண்ட்டர்பாயிண்ட் ரிசர்ச் வெளியிட்டு இருக்கும் சமீபத்திய அறிக்கையின் படி, 2022 மூன்றாவது காலாண்டில் சியோமி நிறுவனம் இந்திய ஸ்மார்ட் டிவி சந்தையில் தொடர்ந்து முன்னணியில் நீடிக்கிறது. இந்திய ஸ்மார்ட் டிவி சந்தையில் சியோமி நிறுவனம் 11 சதவீத பங்குகளை பெற்று இருக்கிறது. சியோமி நிறுவன சாதனங்களில் 4K டிஸ்ப்ளே மற்றும் டால்பி ஆடியோ & விஷன் கொண்ட மாடல்களின் விற்பனை அதிகரித்து இருக்கிறது.

சியோமியின் பேட்ச்வால் மென்பொருள் தற்போது 300-க்கும் அதிக லைவ் சேனல்களை வழங்குகிறது. இதன் மூலம் சியோமி Mi 4A ஹாரிசான் எடிஷன், 5A சீரிஸ் மற்றும் ரெட்மி ஸ்மார்ட் டிவி சீரிஸ் விற்பனையும் கணிசமாக அதிகரித்து இருக்கிறது. இந்த காலாண்டில் ஒட்டுமொத்தமாக இந்திய ஸ்மார்ட் டிவி சந்தை 38 சதவீத வளர்ச்சியை பதிவு செய்துள்ளது. இதில் வெளிநாட்டு நிறுவனங்கள் ஆதிக்கம் தொடர்ந்து நீடிக்கிறது.

இந்திய ஸ்மார்ட் டிவி சந்தையில் வெளிநாட்டு நிறுவனங்களின் பங்கு 40 சதவீதமாக உள்ளது. இவற்றை தொடர்ந்து சீன நிறுவனங்கள் 38 சதவீத பங்குகளை பெற்றுள்ளன. இறுதியில் இந்திய நிறுவனங்கள் 22 சதவீத விற்பனையை பதிவு செய்துள்ளன. எனினும், இந்த காலாண்டில் பங்குகள் இருமடங்கு அதிகரித்துள்ளன.

இன்பினிக்ஸ் நிறுவனம் ஸ்மார்ட்போன்களை தொடர்ந்து லேப்டாப் மற்றும் ஸ்மார்ட் டிவி என பல்வேறு சாதனங்களை அறிமுகம் செய்து வருகிறது. அந்த வரிசையில், தற்போது இன்பினிக்ஸ் 43Y1 ஸ்மார்ட் டிவி மாடலை அறிமுகம் செய்து இருக்கிறது. புதிய ஸ்மார்ட் டிவி FHD டிஸ்ப்ளே, 20 வாட் டால்பி ஸ்டீரியோ என ஏராளமான அம்சங்களை கொண்டிருக்கிறது. புதிய 43 இன்ச் ஸ்மார்ட் டிவி ப்ளிப்கார்ட் தளத்தில் விற்பனை செய்யப்படுகிறது.

இன்பினிக்ஸ் Y1 சீரிஸ் குறைந்த விலையில் ஸ்மார்ட் டிவி-க்களை விற்பனை செய்து வருகிறது. முன்னதாக 32 இன்ச் மாடல் அறிமுகம் செய்யப்பட்ட நிலையில், தற்போது 43 இன்ச் மாடல் அறிமுகமாகி இருக்கிறது. புதிய இன்பினிக்ஸ் 43Y1 ஸ்மார்ட் டிவி விலை ரூ. 13 ஆயிரத்து 999 என நிர்ணயம் செய்யப்பட்டு உள்ளது. இது இந்திய சந்தையில் கிடைக்கும் குறைந்த விலை ஸ்மார்ட் டிவி மாடல்களில் ஒன்றாகும்.

இன்பினிக்ஸ் 43Y1 அம்சங்கள்:

43- இன்ச் எல்இடி ஸ்கிரீன், 300 நிட்ஸ் பீக் பிரைட்னஸ், FHD ரெசல்யூஷன்

குவாட் கோர் பிராசஸர்

4 ஜிபி ரேம்

அமேசான் பிரைம் வீடியோ

யூடியூப், நெட்ஃப்ளிக்ஸ்

ஸ்டீரியோ சவுண்ட் சிஸ்டம்

20 வாட் டால்பி ஸ்டீரியோ

யூடியூப், பிரைம் வீடியோ ஹாட் கீ கொண்ட ரிமோட்

ஸ்கிரீன் மிரரிங் வசதி

2x HDMI போர்ட்

1 ARC சப்போர்ட்

2x USB போர்ட்கள், 1 RF இன்புட்

ஹெட்போன் ஜாக், 1 COAX அவுட்

LAN, ப்ளூடூத் மற்றும் வை-பை

வு நிறுவனம் GloLED 43 இன்ச் 4K டிவியை இந்தியாவில் அறிமுகம் செய்து இருக்கிறது. முன்னதாக செப்டம்பர் மாத வாக்கில் வு GloLED 50 இன்ச், 55 இன்ச் மற்றும் 65 இன்ச் 4K டிவி மாடல்கள் அறிமுகம் செய்யப்பட்ட நிலையில், தற்போது 43 இன்ச் மாடல் அறிமுகம் செய்யப்பட்டு இருக்கிறது.

புதிய 43 இன்ச் 4K டிவி-யில் 84 வாட் சவுண்ட் அவுட்-புட், இன்-பில்ட் டிஜெ கிலாஸ் சப்வூஃபர் வழங்கப்பட்டு இருக்கிறது. இந்த டிவி-யின் வால்யூம் 100-இல் வைக்கப்பட்டாலும் டிவி வைப்ரேட் அல்லது கிராக் ஆகாது என வு நிறுவனம் தெரிவித்துள்ளது. இதில் உள்ள Glo பேனல் மற்றும் Glo A.I. பிராசஸர் பிரைட்னஸ் அளவை 60 சதவீதம் அதிகரித்து, மின் பயன்பாட்டை குறைக்கும்.

வு Glo AI பிராசஸர் OTT தரவுகளை மேம்பட்ட AI தொழில்நுட்பத்தில் அப்-ஸ்கேல் செய்து ஃபுல் கலர் கமுட் வழங்குகிறது. மேலும் மேம்பட்ட கிரிகெட் மோட் 100 சதவீதம் பால் விசிபிலிட்டி மற்றும் லைவ் ஸ்டேடியம் எக்ஸ்பீரியன்ஸ், டால்பி அட்மோஸ் விர்ச்சுவலைசேஷன் போன்ற அம்சங்களை கொண்டிருக்கிறது.

ஃபிரேம்லெஸ் டிசைன் கொண்டிருக்கும் வு GloLED டிவி வியூவிங் ஏரியாவை அதிகப்படுத்துகிறது. இதில் உள்ள டிஜெ சப்வூஃபர் டிவி-யின் ஃபிரேமிற்குள் கச்சிதமாக பொருந்தும் வகையில் உருவாக்கப்பட்டு இருக்கிறது.

வு GloLED டிவி அம்சங்கள்:

43 இன்ச் 3840x2160 பிக்சல் 4K LED டிஸ்ப்ளே

குவாட் கோர் பிராசஸர்

டூயல் கோர் GPU

2 ஜிபி ரேம்

16 ஜிபி மெமரி

கூகுள் டிவி

OTT ஹாட்கீ கொண்ட ரிமோட்

வை-ஃபை, ப்ளூடூத் 5.0

84 வாட் அவுட்புட் கொண்ட ஸ்பீக்கர்கள்

டால்பி ஆடியோ, டால்பி அட்மோஸ் விர்ச்சுவலைசேஷன்

விலை மற்றும் விற்பனை விவரங்கள்:

புதிய வு GloLED 43 இன்ச் 4K டிவி விலை ரூ. 29 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் நவம்பர் 27 ஆம் தேதி துவங்குகிறது.